කොළඹ කොටුවේ පිහිටි මහල් 60 කින් සමන්විත ක්රිෂ් ගොඩනැගිල්ලේ ගින්නක් හටගෙන තිබේ.
එම ගොඩනැගිල්ලේ ඉහළ මහලක මෙම ගින්න හටගෙන ඇති බව වාර්තා වේ.
මේවන විට ගිනි නිවීමේ රථ තුනක් උපයෝගී කර ගනිමින් අදාළ ගින්න මැඩ පැවැත්වීමට කටයුතු කරමින් ඇතැයි ද වාර්තා වේ.
ඡායාරුප : චතුරංග ඒකනායක
වෙනත් පුවත් – නාමල් රාජපක්ෂට නොතීසි!
කොළඹ මහාධිකරණය විසින් ,රගර් ක්රීඩාවේ ප්රවර්ධනයට බව පවසා ඉන්දීය ක්රිෂ් සමාගමෙන් රුපියල් මිලියන 70 ක මුදලක් ලබා ගෙන සාපරාධි සාවද්ය පරිහරණ කළේ යැයි චෝදනා ලබා සිටින පාර්ලිමේන්තු මන්ත්රී නාමල් රාජපක්ෂ මහතාට ලබන 18 වනදා අධිකරණය හමුවේ පෙනී සිටින ලෙස දන්වා නොතීසි නිකුත් කර තිබේ.
කොළඹ මහාධිකරණ විනිසුරු මංජුල තිලකරත්න මහතා විසින් ,නීතිපතිවරයා විසින් ගොනුකර තිබූ අධි චෝදනා පත්ර සලකා බැලීමෙන් අනතුරුව මෙම නොතීසි නිකුත් කරන ලෙස නියෝග කළේය.
රග්බි ක්රීඩාව ප්රවර්ධනය කිරීම සඳහා යැයි පවසමින් ඉන්දියාවේ ක්රිෂ් සමාගමින් රුපියල් මිලියන 70ක මුදලක් ලබාගෙන සාපරාදී සාවද්ය පරිහරණයක් සිදු කළේ යැයි නාමල් රාජපක්ෂ මහතාට එරෙහිව නීතිපතිවරයා විසින් ඉදිරිපත් කළ අධි චෝදනාව වලින් චෝදනා එල්ල කර තිබේ.
ඉකුත් යහ පාලන රජය සමයේ, දූෂණ විරෝධී හඬ සංවිධානයේ කැඳවුම්කරු සහ වත්මන් අමාත්ය වසන්ත සමරසිංහ මහතා විසින් කරන ලද පැමිණිල්ලකට අනුව මෙම විමර්ශන පැවැත්වා ඇත.
මෙම සිද්ධියට අදාළව පොලිස් මූල්ය අපරාධ විමර්ශන කොට්ඨාශය විසින් මීට පෙර කොටුව මහෙස්ත්රාත් අධිකරණය හමුවේ කරුණු වාර්තාකර තිබුණි.
එම නඩුවේ සැකකරුවකු වශයෙන් නාමල් රාජපක්ෂ මහතා අත්අඩංගුවට ගෙන කොටුව මහෙස්ත්රාත් අධිකරණයට ඉදිරිපත් කර ඇප මත මුදාහැර තිබේ.
