මෙදා හාට් එකට රසම රස ගොසිප් එකක් දෙන්න යොහානි ඇවිදින් ඉන්නවා ඔන්න.
යොහානි කිව්වේ…?
යොහානි දිලෝකා ද සිල්වා නෙවෙයි. මේ ඉනනේ යොහානි හෙට්ටිආරච්චි. එයාව නොදන්නේ කවුද? ආලින්දයේ සිනමාවේ අසුන්ගන්න හැමෝම වාගේ සුන්දර රූසපුවක් හිමි මේ ජනප්රිය ටෙලි තාරකාවට හරිම ළෙන්ගතුයි. හුඟක් අය කියන්නේ යොහානි අමුතුම වයිබ් එකක ඉන්න ක්ලැසික් කෙල්ලක් කියලයි. එයාගේ යූටියුබ් එකට දසදහස් ගණනක අනුගාමිකයන් ඉන්නෙත් ඈ හුඟක්ම සරල ගති පැවැතුම් ඇති අහිංසක චරිතයක් නිසාලු. ඒ වාගෙම එයා ව්ලොග් :ඪකදට* එකක් දානකල් එයාව ෆලෝ කරන කට්ටිය බලාන ඉන්නේ පුදුම නොඉවසිල්ලකින්ලු.
‘යොහානිගෙ ව්ලොග්වල බොරු ශෝභන කෑලි නෑ. ඒවා මාර රිලැක්ස්. ඒ වගේම යොහානි අඳින විදියත් හරි වෙනස්. කවදාවත් ඇඟ පේන්න අඳින්නෙ නැහැ. ඒ නිහතමානී සරලකමටයි අපි හුඟක් දෙනා එයාට කැමැති…’
ඒ, යොහානි ගැන මුහුණු පොතේ තිබුණු සටහනකින් උපුටාගත්ත කොටසක් හොඳේ. යොහානි මේ දවස්වල වැඩිපුරම කා අතරත් කතාබහට මැදිවෙලා ඉන්නේ අයි.ටී.එන්. එකේ යන ‘පාරදීසේ’ ටෙලිය නිසයි. ‘ආලියා’ විදියට නෙත්මි රොෂෙල්ගේ නංගිට රඟපාන ඇගේ ඒ මුඛරි හුරතල් චරිතය ‘පාරාදීසය’ බලන කාගෙත් හිත් හොරාගෙන තියෙන වගයි ආරංචිය.
පහුගිය දවස්වල මේ ලස්සන යොවුන් නිළියට හිතුණලු පොඩි රෙස්ට් එකක් ගන්න. එක දිගටම ටෙලි ඩ්රාමාවල ෂූටින්වල ඉඳලා එයාට හීනියට වගේ ‘ඩල්’ ගතියක් හිතට දැනුණලු. දවස් කීපයකට නිවාඩු අරන් කොහේ හරි ඈතක ගිහින් හිත නිවාගන්න ඇත්නම් කියලා ඇයට හිතුණලු.
භාවනා කරන්නවත් යන්න හිතිලද යොහානිට…?’
එහෙමත් නෙවෙයිලු. ඇයට පොඩි බ්රේක්අප් එකක් ඕනෑ වුණාලු. මාසයකට කිට්ටු කාලයක් නිවාඩු අරගෙන ‘පාරාදීසේ’ කාගෙත් හිතගත්ත ආලියා මුලින්ම ගියේ පොළොන්නරුවටලු. ඉන් පස්සේ පාටිවලට යන්න, තව තව ආස පළාත්වල ඇවිදින්න යන්න ඈ ඊළඟ දවස් ටික වෙන් කරගත්තලු. යොහානිගේ ‘පියොන්සෙ ලෙහානුත්’ පොළොන්නරු ගමනට එකතු වුණාලු. යොහානිට ඇලුම් කරන ඇගේ යූටියුබ් අනුගාමිකයෝ ඇයට වාගෙම ලෙහාන්ටත් හරිම මනාපයිලු. ලොකුවට සල්ලි තිබුණට ලෙහානුත් යොහානි වාගෙම මාරම රිලැක්ස් කැරැක්ටර් එකක්ලු.
ඉතින්, යොහානිගේ හෙට දවස තවත් ලස්සන වෙන්න කියලා ඔන්න ‘හාට්’ එකෙන්ම අපිත් සුබ පතනවා….
දමයන්ති රේණුකා ප්රනාන්දු
