බත්තරමුල්ලේ පිහිටි සුඛෝපභෝගී හෝටලයක් තුළදී සිදුවූ රිය අනතුරකින් කාන්තාවන් දෙදෙනකු තුවාල ලබා කොළඹ ජාතික රෝහල වෙත ඇතුළත් කර ඇත.
මෙම අනතුර සිදුව ඇත්තේ ප්රසිද්ධ නිළියක විසින් පදවනු ලැබූ මෝටර් රථයක ගැටීමෙනි.
තුවාල ලැබූ පුද්ගලයන් දෙදෙනාගේ වයස අවුරුදු 27 සහ 36 වන අතර, ඔවුන් කොටිකාවත්ත සහ අතුරුගිරිය ප්රදේශවල පදිංචිකරුවන් බව පොලිසිය විසින් හඳුනාගෙන ඇත.
මෙම අනතුර සිදුව ඇත්තේ, අදාළ ජනප්රිය නිළිය තමන්ගේ මෝටර් රථය පසුපසට ධාවනය කරන අවස්ථාවේදීය.
තුවාල ලැබූ කාන්තාවන් අතුරින් එක් අයෙකුගේ පාදයක් බිඳී ඇති අතර, අනෙක් කාන්තාවගේ උකුල් ඇටයට හානි සිදුව ඇති බව අනාවරණය වී තිබේ.
අනතුරට හේතු වූ ජනප්රිය නිළිය ද මේ වන විට කළුබෝවිල රෝහලේ ප්රතිකාර ලබන බව පොලිසිය තවදුරටත් සඳහන් කරයි.
එම නිළිය අනතුර සිදුකරන අවස්ථාවේදී මත්පැන් පානය කර සිටියේද යන්න පිළිබඳව පොලිසිය විසින් විශේෂ විමර්ශනයක් ආරම්භ කර ඇත.
